Creaton Digital
data e temp
Nus realisain en tut trais giadas il workshop. Vus as pudais annunziar per quella data che as sta il meglier. Il creaton digital a lieu a las suandatas datas:
mesemna, ils 16 d’avrigl, 19.00-20.00 uras
mardi, ils 22 d’avrigl, 19.00-20.00 uras
mesemna, ils 23 d’avrigl 2025, 19.00-20.00 uras
Tut ils amis da la Rumantschia en cordialmain bainvegni.
Il creaton vegn ad avair lieu sin Miro (online whiteboard sco Workspace per innovaziuns).
Vus pudais gugent as annunziar tras il formular da contact sin nossa pagina internet u directamain per e-mail sin communicaziun@ambassada-rumantscha.ch.
finamiras dal creaton digital
chapir l'idea ed il project ambassada – e reflectar vinavant communablamain
emprender d'enconuscher ils basegns da la cuminanza rumantscha areguard in center
rimnar, sviluppar e concretisar ideas d'utilisaziun per il center
fixar plans concrets per realisar vossas ideas
sclerir las pussaivladads da cooperar e lantschar l'engaschament
rinforzar il barat e la collavuraziun entaifer la cuminanza
Il grond interess per il project da l'Ambassada Rumantscha Turitg (ART) ed uschia per la realisaziun d'in center rumantsch a Turitg ans allegra fitg ed ans rinforza en noss project.
Per dar spazi a quellas vuschs che n'han betg la pussaivladad da sa participar al creaton dals 12 d'avrigl 2025 porschain nus en las proximas duos emnas in workshop digital scursanì. En il rom da quest workshop digital dain nus invista en il stadi actual dal project e cundividin enconuschientschas centralas dal creaton. Oravant tut vulessan nus dar a vus la schanza da cundivider vossas ideas, experienzas e perspectivas culla cuminanza rumantscha e da contribuir uschia cuminaivelmain a furmar e realisar quest center.
En in edifizi nov da substituziun en la via Wallisellen a Turitg Oerlikon metta la cooperativa da construcziun/Baugenossenschaft Zentralstrasse (BGZ) en perspectiva a la cuminanza rumantscha l'utilisaziun da locals cuminaivels, da locals da biro e da mastergn, d'abitaziuns, canortas d'uffants per tschains da locaziun sin basa dals custs. Cun quai s’avischinain nus a la realisaziun da la visiun d'in lieu viv d'inscunter rumantsch. Il böt da quist creaton digital es da chattar or cuminaivelmain co ch'ils interess d'utilisaziun da questas localitads pon gnir realisats cun ina plivalur per la cuminanza – e che resursas che sun necessarias per quest intent. Sin basa da quista finamira pudain nus elavurar en in proxim pass in concept d'utilisaziun e da finanziaziun per realisar quest center.